नियमित बचत नीति

क)    सदस्यहरुले मासिक रुपमा न्यूनतम रु. १००।– देखि माथि बचत गर्नुपर्नेछ । बचत रकम प्रत्येक आर्थिक वर्षको श्रावण महिनामा थप घट गर्न सक्नेछ । 

ख)     नियमित बचत रकम हरेक महिनाको सोहि महिनामा जम्मा गर्नु पर्नेछ । 

ग)    नियमित बचत रकम अग्रिम रुपमा पनि जम्मा गर्न सकिनेछ । 

घ)     बचतको ब्याजदर संचालक समितिको निर्णय अनुसार हुनेछ । 

ङ)    नियमित बचतमा प्रत्येक ३–३ महिनामा (असोज मसान्त, पौष मसान्त, चैत्र मसान्त र आषाढ मसान्त) ब्याज चढाइने छ । 

च)     बचतमा दैनिक मौज्दातमा ब्याज प्रदान गरिनेछ । 

छ)     आषाढ महिना सम्म जम्मा भएको बचत रकम पुरै वा आंशिक रुपमा श्रावण महिनादेखि झिक्न सकिनेछ । 

ज)    अघिल्लो महिनाको बचत रकम जम्मा गर्न बाँकी राखी आउँदो महिनाको बचत जम्मा गर्न पाइने छैन । 

झ)    वार्षिक रुपमा ५ जना उत्कृष्ट बचतकर्तालाई संस्थाको वार्षिक साधारण सभामा सम्मान गरिनेछ । 

ञ)     ३ महिनासम्म लगातार नियमित बचत नगर्ने सदस्यहरुलाई मौखिक रुपमा ताकेता गरिनेछ । मौखिक रुपमा ताकेता गरेमा ३० दिन भित्र पनि रकम बुझाउन नआएमा लिखित रुपमा पत्र पठाइनेछ ।  

ट)     लिखित रुपमा ताकेता गरेको ३५ दिन भित्र बचत रकम जम्मा गर्न नआएमा संस्थाको नियमानुसार प्रक्रिया अगाडी बढाइनेछ । 

ठ)     जम्मा भएको बचत बमोजिम नियमानुसार ऋण लिन सकिनेछ ।  

ड)     ऋणको ब्याजदर सदस्य जमानी ऋण अनुसार हुनेछ । 

ढ)    ऋण सम्बन्धी अन्य नियमहरु संस्थाको ऋण नीति अनुसार हुनेछ । 

ण)   अन्य नियमहरुको हकमा संचालक समितिको  निर्णय अनुसार हुनेछ ।